រឿងសេចក្ដីសុខគ្មានអ្នកណាដែលថាមិនចង់បាននោះទេ តែពេលខ្លះមកពីខ្លួនអ្នកទេដែលមិនចេះស្វែងរកវាមកដាក់ខ្លួន។ រឿងខ្លះអ្នកដឹងហើយថាខុស ថាមិនល្អតែអ្នកនៅតែស្ពាយវាជាប់ខ្លួនមិនព្រមលះបង់ចេញ។ បើសិនជាអ្នកចង់រកសេចក្ដីសុខឲ្យខ្លួនឯងមែន អ្នកគួរតែបោះចោលនូវរឿងទាំងនេះ៖
១. មនុស្សប្រុសខុស
បើដឹងថានៅជាមួយគេមិនស្រនុកចិត្តហើយ ក៏មិនគួរបន្តទាំងដឹងថាខ្លួនឯងកំពុងនៅជាមួយមនុស្សoខុសដែរ។ លះបង់មនុស្សប្រុសខុសគឺជារឿងត្រឹមត្រូវបំផុតដែលមនុស្សស្រីត្រូវធ្វើ។
២. ការគិតច្រើនគ្មានបានការ
មនុស្សស្រីភាគច្រើនទៅហើយដែលគិតនោះគិត ជូនកាលរឿងតិចតួចសោះបែរជាយកទៅគិតរហូតដល់រឿងធំ ហើយដេកពិបាកចិត្តតែឯង។ រឿងខ្លះគួរកុំយកវាមកដាក់ក្នុងចិត្តអី ព្រោះនាំតែរឿងមិនសប្បាយចិត្តដល់ខ្លួនតែប៉ុណ្ណោះ។
៣. និយាយដើមគេ
ជារឿងមួយដែលពិបាកនឹងចៀស តែបើអាចក៏ត្រូវកាត់បន្ថយឲ្យបានដែរ ព្រោះគ្មានចំណេញអីក្រៅពីនាំភាពក្ដៅក្រហាយ ច្រណែនឈ្នានីសគ្នាទេ។ យកពេលហ្នឹងទៅធ្វើអីផ្សេងគឺល្អជាងឆ្ងាយណាស់។ យកខួរក្បាលគិតរឿងល្អៗវិញ ទើបមានសុភមង្គល និងមានអាយុវែង។
៤. រង់ចាំចាយលុយប្ដី
ព្យាយាមរកប្ដីអ្នកមានដោយគិតថានឹងយោងខ្លួនឲ្យបានរស់ស្រួលដោយមិនបាច់ធ្វើអី។ ចូរខំរកលុយដោយកម្លាំងញើសឈាមអ្នក នោះទើបមានតម្លៃ ហើយក៏មិនបាច់នៅក្រោមគំនាបរបស់មនុស្សប្រុស៕
អត្ថបទ៖ ផេង ផលធិតា
0 Comments